Víctor Hugo Seoane

 Víctor Hugo Seoane é fillo de emigrantes en Alemaña. Licenciouse no 2004 en Comunicación Audiovisual pola Universidade Europea de Madrid. En 2003 estreouse na realización coa curtametraxe Vía muerta. Logo seguíronlle outros pequenos traballos como Uncertainity (2004), Catarse (2005), Traballos temporais (2006), Castillos de arena (2009), ata chegar a realizar Na distancia (2009). Nese ano realiza El vaivén, proxecto dentro do colectivo homónimo conformado por Jaione Camborda e Carlos Marcos. En 2015 estreará a súa primeira longametraxe, "Verengo" o resultado de cinco anos de viaxe inmersivo cara as raíces dos seus avós no mais profundo da montaña ourensana. A tensión entre a forma de vida moderna e os ritmos vitais da natureza é un dos sinais de identidade de todos os seus traballos.