Xisela Franco é unha cineasta, documentalista e investigadora de prolífica traxectoria e ampla experiencia en todos os oficios do audiovisual tanto en Galicia como a nivel internacional. Ten traballado no cine e TV convencional, mais nos proxectos persoais anda sempre na procura de novos camiños da expresión audiovisual, cuestionando a propia identidade do cine para "redefinilo". A súa obra percorreu museos, festivais e exposicións internacionais. A última, nestes mesmos días na Cidade de Cultura de Santiago: "Santiago, olladas de perfil" .