Nesta edición do Chanfaina quería gravar a curta como nas dúas anteriores: empezar por pensar unha idea e ila desenvolvendo pouco a pouco. Pero non me dei organizado co traballo do doutoramento e, ao final, deixei a curta para o último momento. A dúas semanas da entrega, non se me ocorría ningunha idea que fose suficientemente simple como para producila a tempo. E tampouco quería empregar IA. Ao final, inspireime na propia situación e así xurdiu "Guión Curta".