Alfonso Zarauza foise consolidando chanzo a chanzo como un dos máis prometedores directores do cine galego. Dende as primeiras curtametraxes na Escola de Imaxe e son de Coruña, Zarauza foi madurando como un autor con mirada propia: na melancólica e lírica longametraxe "A noite que deixou de chover"; na lúcida análise sobre as dificultades de facer cinema en Galicia de "Encallados", ata a consagración profesional definitiva que supón "Os fenómenos", aínda en exhibición comercial e con catro premios "Mestre Mateo" .