Gabriel Tizón

Gabriel Tizón é un fotógrafo e artista galego cunha traxectoria centrada na fotografía documental e no compromiso social e cos dereitos humanos. Formado no Centro de Estudos da Imaxe e na Escola de Artes e Oficios de Santiago de Compostela, desenvolve unha mirada humanista que pon o foco en persoas migrantes, colectivos vulnerables e procesos de inclusión social. Traballou como fotógrafo freelance para medios como a Axencia EFE, El país,  La Voz de Galicia ou El Correo Gallego, e impulsou proxectos de forte impacto como Muros, dedicado a refuxiados e ás súas testemuñas. A súa obra foi exposta en múltiples espazos nacionais e internacionais, e compaxina a creación artística coa docencia e a colaboración con ONG.