Os premios do Chanfaina Lab outórganse de xeito democrático a todas as persoas participantes en cada edición. Son figuras únicas realizadas en follas de millo.
Hai dez anos que tres artesás de San Sadurniño, Ana Lamas (Igrexafeita, 1969), Mar Hermida (Naraío, 1966) e Lucía Ríos (Santa Mariña do Monte, 1979) converteron unha arte popular vencellada á esfolla na expresión da súa marca creativa e comercial.
“As Lolas da Cascarilla”, fan arte con follas de millo propias ou as da veciñanza que lles ceden as follas a cambio de que llelas quiten. Elas son as responsábeis dos premios con que todos os anos agasallamos ás cineastas participantes.
