
Cando a veciñanza colle a cámara, o cotián convértese en historia e o territorio nun espazo para crear

Boa parte das pezas da Filmoteca do Chanfaina Lab nacen das ideas, inquedanzas e experiencias de veciños e veciñas de San Sadurniño, que atopan na creación audiovisual unha maneira de expresarse e de mirar o seu propio mundo.
Esta primeira entrega reúne trece obras moi diversas, realizadas por persoas con diferentes idades, traxectorias e experiencias, nas que a comunidade non aparece unicamente como protagonista ou escenario, senón tamén como autora, creadora e intérprete. Desde as lembranzas familiares e as tradicións cotiás ata a reflexión persoal, o humor, a experimentación e a relación coa paisaxe, cada proposta ofrece unha ollada singular sobre a realidade máis próxima.
Son pezas que xorden da convivencia, da curiosidade e do desexo de crear, nas que lugares, persoas e vivencias se transforman en materia cinematográfica. Unha escolma que reivindica a capacidade creativa da veciñanza e o valor dunha experiencia colectiva na que as persoas poden coller a cámara e contar as súas propias historias.
A duración do programa é de 82 minutos.
Películas do ciclo
15 películas
Cabeceira do Chanfaina Lab 2014
O caldo de Marina
Saudade: unha metáfora/descrición da viudez
Mírame
Boniatos no país do sol poniente
Destino, perderse. A lei do constante intento
Trae!
Solposto
Anguria
The porquer
A miña cor preferida é o verde
7+1
As Aventuras de Marcelino e Clemente
Madeira de Piñeiro e Nova Zelanda non quedaba tan lonxe
Onde me leven


















